ПРОМОЦИЈА 2025

На 16.12.2025 година беше одбележан Денот на Природно-математичкиот факултет - Скопје и беа доделени дипломите на магистрите и дипломираните студенти. Институтот за физика на сите нови колеги им го честита ова големо достигнување!

ОТВОРЕН ДЕН на Универзитетот „Св. Кирил и Методиј“ во Скопје 12 декември 2025 година

Драги матуранти – идни студенти, 

 Ве покануваме на традиционалниот Отворен ден на УКИМ, кој и оваа година ќе се одржи со физичко присуство во просториите на секој од факултетите, во два термина: од 11:00 до 13:00 часот и од 13:00 до 15:00 часот. 

Настанот ќе овозможи директно запознавање со студиските програми, активностите на студентите, работата на центрите за кариера и со сите академски, истражувачки и професионални можности што ги нуди Универзитетот. Ќе можете да разговарате со професорите и студентите, да поставувате прашања за студиските програми, стипендиите, студентскиот живот, практикантството и меѓународната размена.

 Преку посетата ќе се запознаете со просторните капацитети на факултетите, како што се амфитеатрите, лабораториите и другите наставно-научни објекти. 

 Студирајте на Универзитетот со најдолга академска традиција во нашата земја.

 Учете од најдобрите – студирајте на Универзитетот „Св. Кирил и Методиј“ во Скопје.

Петта меѓународна конференција за образованието по математика, физика и сродни науки, ПМФ - Скопје, 28 - 30 ноември 2025 година

more

МИСИЈА на Институтот за физика

Институтот за физика е дел од Природно-математичкиот факултет при Универзитетот „Св. Кирил и Методиј“ во Скопје. Тој е најголемиот високо-образовен и научен центар во земјата кој се занимава со прашања од областа на физиката.  Организира додипломски и мастер студии нудејќи широк спектар на студиски програми, а во соработка со Школата за докторски студии при Универзитетот „Св. Кирил и Методиј“ нуди и можност за стекнување со звањето доктор на физички науки.

Наши определби се:

• да воспоставиме европски стандарди во високото образование по физика и на нашите студенти да им понудиме можност да се стекнат со знаења и вештини кои ќе им овозможат успешна кариера во науката, индустријата, образованието или друга сродна дисциплина.
• да се развиваме како научно-истражувачки центар во областа на фундаменталните и применетите истражувања кој ќе биде глобално препознатлив. За таа цел имаме воспоставено соработки со познати институции ширум светот и се обидуваме нивниот број постојано да расте.
• да ја помогнеме домашната и регионалната индустрија преку работа на заеднички проекти, посебно во областа на иновациите.
• да го искористиме нашето долгогодишно искуство во учебникарството и креирањето наставни програми и планови за основните и средните училишта и да дадеме придонес кон развојот на квалитетно образование во нашата земја.
• да станеме центар за перманентна (доживотна) едукација на наставници по физика од основните и средните училишта во Република Македонија

Сите заинтересирани за соработка со Институтот за физика, без разлика дали станува збор за академска или друг вид јавна институција, потенцијален индустриски партнер или иден студент, се добредојдени на нашиот Институт.

29 септември 2025 година, 12.00 часот, Голем физички амфитеатар, Институт за физика при ПМФ - Скопје

МАСТЕРКЛАС

Д-р Тадеуш Куртика (Tadeusz Kurtyka) „CERN, the Large Hadron Collider and Future Particle Accelerators“

Европска ноќ на истражувачи

Изложба „ЦЕРН и Универзумот: науката која нѐ поврзува“

27 септември до 15 октомври 2025 година

Отворање 27 септември 2025 година, 19.00 часот

Дајмонд Мол, централен атриум, приземје, Скопје

ИЗВЕСТУВАЊЕ ЗА ПРЕДАВАЊЕ

На 3.9.2025 година (среда) со почеток во 12.00 часот во големиот физички амфитеатар на Природно-математичкиот факултет - Скопје 

проф. д-р Драгица Василеска

School of Electrical, Computer and Energy Engineering, Ira A. Fulton School of Engineering, Arizona State University, Tempe, AZ, USA 

ќе одржи предавање со наслов:

Computational Electronics and Nanoelectronics Device Modelling

Предавањето е во рамките на активностите на УКИМ и International Organization for Migration (IOM), со цел споделување на искуства на наши професори кои работат на странски универзитети.

Вашето присуство е добредојдено!

Подетални информации на веб страната на ПМФ на следниот линк.

МЕЃУНАРОДНА ГОДИНА НА КВАНТНАТА НАУКА И ТЕХНОЛОГИЈА

ПРЕДАВАЊЕ „Contextuality, entanglement and other curiosities in quantum mechanics“

проф. д-р Драги Каревски, Универзитет во Лорен, Франција (Université de Lorraine, CNRS, Department of Theoretical Physics and Chemistry (LPCT), Nancy, France)

2 јуни 2025 година (понеделник), почеток во 12.15 часот

Голем физички амфитеатар, Институт за физика, Природно-математички факултет - Скопје. Галерија.

СЕМИНАР „100 години квантна механика“ - 11 април 2025 година, Институт за физика, Природно-математички факултет - Скопје. Галерија.

По повод стогодишнината од почетоците на квантната механика, ООН ја прогласи 2025 година за Меѓународна година на квантната наука и технологија (IYQ). Повеќе информации на официјалната веб страна https://quantum2025.org/.

ПРОМОЦИЈА НА КНИГАТА „Atmospheric Perspectives – Unveiling Earth's Environmental Challenges“

На 4 јуни 2025 година со почеток во 19.00 часот во кафе ресторанот Тренд Лондон во Скопје се одржа промоција на книгата „Atmospheric Perspectives – Unveiling Earth's Environmental Challenges“ од авторите Владо Спиридонов, Млаѓен Ќуриќ и Ненад Новковски. Книгата е објавена од страна на престижната издавачка куќа Springer. На нашите ценети професори им честитаме за ова големо достигнување.