Студентска пракса

Договори за студентска пракса потпишани заклучно со јуни 2026 година

На иницијатива на Институтот за физика при ПМФ - Скопје беа потпишани нови договори за пракса со следните институции:

Документи за реализација на практична настава на студентите

1) Студентите може да реализираат практична настава за академската 2024/2025 г., во период од 30 дена, до крајот на зимскиот семестар 2025/2026 г., (студентите се навремено информирани преку IKNOW системот и со поддршка на претседателот на ФСС) во компании, фирми, државни установи од различен тип или во некоја од лабораториите на соодветниот институт. 

2) Студентот пред да започне со летна пракса потребно е да достави Потврда (Упатница) за отпочнување со студентска пракса пополнета во три примероци, кај раководителот на институтот на потпис. Потврдата потпишана од раководителот на институтот се носи на потпис кај деканот на Факултетот;

3) Студентот кој одлучил да ја реализира летната пракса во некоја установа со која Факултетот нема склучено договор, заедно со потврдата во три примероци, треба да достави три примероци на бланко Договор за практична настава и три примероци на Пропратно писмо кај раководителот на институтот. Потпишаната Потврда од раководителот на институтот заедно со Договорот и Пропратното писмо се носат на потпис кај деканот на Факултетот. Потпишаните документи по заверката во архивата на Факултетот се предаваат на студентот. Студентот е должен да го достави на потпис и заверка Договорот кај субјектот каде што ќе ја реализира практичната настава. Два примероци од Договорот потпишани и заверени од субјектот потребно е да бидат вратени на Факултетот;

4) По завршување на праксата студентот треба да достави еден примерок Потврда за реализирана практична настава, пополнета, потпишана и заверена од фирмата каде се одвивала праксата, во точно назначена просторија на институтот (Библиотека на Институтот за физика). Студентот не ја носи Потврдата во Одделението за студентски прашања.  

5) Потврдите ги собира одговорно лице, м-р Весна Манчевска, библиотекар на ИФ, прави копии за во архивата на институтот и ги носи оригиналите во Одделението за студентски прашања. Оригиналната Потврда се става во студентското досие.

Одговорни лица за студентска пракса на Институтот за физика при ПМФ - Скопје

доц. д-р Елена Вчкова Бебековска (elenavb@pmf.ukim.mk), член на Центарот за кариера на ПМФ (консултации и насоки при планирањето на студентската пракса)

м-р Весна Манчевска (vesna.mancevska@pmf.ukim.mk), библиотекар (одговорно лице за собирање на упатниците за отпочнување пракса и потврдите за завршена пракса)